Note [édition originale] :
NOTÆ.
Triplicem invenio Suræ hujus
Epigraphen ex primo versu illius desumptam :
الم نشرح
Nonne dilatavimus ?
الشرح
Dilatatio :
الانشراح idem. De loco ejus, numeroque
versuum non est controversia. Pręmium Lectori ipsemet Mahumetus
constituit his verbis :
من قراء سورة الم نشرح فكانّما جاءني وانا مغتمّ ففرح عنّي
Qui legerit Suram, Nonne dilatavimus :
erit, ac si veniret ad me oppressum męrore ; & à tristitia
sublevaret me.
I.
Dilatavimus tibi pectus tuum. ] Exponit Gelal :
بالنبوة وغيرها ,
per prophetiam, & alia : nimirùm
per prædicationem, scientiam, sapientiam, & prudentiam, ut exponit
Zamchascerius ; vel etiam juxta eumdem,
ازلنا عنه الضيق والحرج الذي مع العمى والجهل
liberavimus eum ab angustiis, &
delictis, quæ sunt cum cęcitate, & ignorantia. Jahias
exponit
بالايمان ,
per fidem, & addit fabellam :
ويروى ان الملك شقّ بطنه ع م وغسل قلبه وملى حكمة وايمانًا
& habetur ex relatione, Angelum
scidisse corpus Mahumeti, & lavisse cor ejus, & implevisse
sapientia, & fide. Vide hoc figmentum in Vita Mahumeti §.
quarto, cùm adhuc esset puer.
II.
Et deposuimus à te pondus tuum. ] Ponderis hujus nomine
intelligunt communitet Interpretes peccata Mahumeti. Gelal :
وضعنا عنك وزرك حططنا عنك ذنبك
deposuimus à te pondus tuum (
idest dejecimus à te peccatum tuum. )
Jahias :
وزرك هي الذنوب التي كانت عليه في الجاهلية
pondus tuum, idest peccata ejus, quę
commiserat tempore ignorantię, idest idololatriæ.
Zamchascerius etiam,
وزرك exponit,
فرطاتك : excessus tuos. Vide,
quæ alibi diximus.
V.
Cùm difficultate erit facilitas. ] Idest, post adversa
prospera advenient : &, ut exponit Gelal, post vexationes illatas
tibi ab infidelibus succedet tibi victoria contra eos.